Bi, mɛkalo tile 25, o ye farafinna tɔgɔla don ye.O y'an ka nisɔndiya ni wasa don ye.

Nisɔndiya ni wasa don dɔrɔn tɛ, a ka kan ka kɛ miiri ni taasi don ye farafin bɛɛ fɛ walasa ka siraw ɲini sira minnu bɛ se ka farafinna ka ɲɛtaa n’a ka bɔnɔgɔla sabati. Ɔwɔ, siga t’a la, sira tɔ ka jan walasa ka farafinna k’an haklilina ye. O kama, an ka kan k’an tɛgɛ di ɲɔgɔn ma, ka taa sira kelen fɛ, ka segin sira kelen fɛ ni ŋaniɲa kelen ye. O tɛ se ka kɛ fɔ an kelen kelenna bɛɛ k’an cɛsiri, ka baara kɛ, ka kokuraw ŋaniɲa siri k’u waleya ni ɲɛtaa ni sabati hamin ye,ani mɔgɔtɔw kanuni.

Bɛɛ k’i cɛsiri i ka baarakɛta fɛ walasa k’i yɛrɛ wasa, ka mɔgɔtɔw wasa, o de bɛna ni farafinna ka ɲɛtaa ni jɛn bɛɛ ka ɲɛtaa ye.

N tɛ se ka tila ni n ma taasibila kɛ ka ɲɛsin farafinna cɛbaw ma, cɛba minnu cɛsirilen bɛ su ni tile, farafinna ni jɛn bɛɛ ka ɲɛtaa kama. k'a f’u ye fana ko hali n’u t’an kan sɔrɔ, u k’a dɔn ŋaniɲa ɲuman b’an na waati bɛɛ ka ɲɛsin u ma u ka don o don baara la.

Ala ka seli diya farafinna bɛɛ la ani jɛn bɛɛ la.

Nin ye dɛmɛnjɛkulu ye ka ɲɛsin nakɔko ma. U ka ɲɛmɔgɔsoba bɛ Moreyali, Canada, nga u bɛ baara k’an fɛ Mali la yan fana ani yɔrɔ caman wɛrɛw la. U ka baara ɲesinnen bɛ nakɔko sabatili ma. U bɛ nakɔ kɛ sow bili kan, dukɛnɛw ani yɔrɔ caman wɛrɛw la. N’i y’u ka nakɔbaara in kɛcogo jaw lajɛ, a bɔlen b’a fɛ ko baara don min bɛ bɛn kosɛbɛ an ka dugubaw kɔnɔ bawo dugukoloko dɛsɛ bɛ yen.

N’i b’a fɛ ka kunnafoni wɛrɛw sɔrɔ jɛkulu in kan, u sɔrɔ yan.