Nin ye porozɛ ye min bɛ weele ko "Alisa an ma kɛ hakilitigi ye" Porozɛ don min ɲɛsinnen bɛ ɛntɛrinɛti kalanni ma an ka togodaw la. Kalan in bɛ ka kɛ Segu ni Sanogola-Bamusobugu, Zezana Gara la, Mali. Kalan in tun bɛ ka kɛ mɔgɔ minnu fɛ, olu filɛ nin ye: Boukary konate n'o bɛ Mali la yan, Albertine ni Caroline, n'olu bɔrra Parina a kama ani Claire, n'o b'a to Parikalan in kɛ an fɛ ɛntɛrinɛti kan.

Kalan in kɛ cogo filɛ nin ye: Boukary Konate ni Albertine bɛ mɔgɔkɔrɔbaw kalan ɛntɛrinɛti la, Claire b'a to Pari ka kalan in sinsin ɛntɛrinɛti fɛ. Kalan in ɲɛsinnen bɛ ɛntɛrinɛti kalanni ma ani ka mɔgɔw kalan fototali ni wido kɛ cogo la ni yɔrɔjan fototalan ni kamera ye ani telefɔni yaalata, fototalan ni kamera bɛ min na.

Caroline bɛ tubabukan kalan demisɛnw kunna u bɛ tulon caman fana kɛ o sen fɛ min bɛ demisɛnw ɲɛnajɛ kosɛbɛ. Ɛntɛrinɛti kalan in dɔ fana sinsinnen bɛ Bamanankan sen donni na ɛntɛrinɛtiko la kunnafoniko hukumu kɔnɔ.

Baara in daminɛ na Segu dugu kɔnɔ, an ye mɔgɔ caman kalan ye. O kɔ fɛ, an taara Zezana Gara la, n'o ye komini ye kilo mɛtɛrɛ 37 ani Segu cɛ. O waati la, mɔgɔ fila wɛrɛ bɔra Pari ka na fara an kan baara in na n'o ye Nadine n'a denkɛ Solale ye. Olu fara la Caroline kan ka demisɛnw kalan k'u ɲɛnajɛ. Baara taabolo ɲɛna kosɛbɛ nin yɔrɔ fila in bɛɛ la bawo minnu nana kalan in na, a jara u ye kosɛbɛ wa u ye faamuya sɔrɔ a la fana.

Tubabu ninnu seginna ka taa Pari, an b'u fo kosɛbɛ. Alisa kalan in bɛ senna yɔrɔ kofɔlen ninnu na Boukary konate fɛ, Parikaw b'u to ¨Pari k'an dɛmɛ a la ɛntɛrinɛti fɛ.

Nin ja ninnu kɔfɛ nin kunnafoni in kɔnɔ, aw bɛ se ka kalan in taabolo lajɛ "alisa an ma kɛ hakilitigi siti kan n'o ye: http://toujourspassage.tumblr.com

Aw bɛ se k'a sɔrɔ twitter" kan nin cogo la: @toujourspassage walima kan Maneno kan.

Baara in na, an ka foli bɛ "Orange Mali Fondation ye, o min y'a dɛmɛn ni kalo fila konɛkisiyɔn ye Segu ani kalo fila konɛkisiyɔn Zezana Gara la. An ka foli bɛ "ONG" Jigitugutɔn ye Segu o min y'a dɛmɛn ni a ka baara kɛ yɔrɔ ye walasa kalan ka se ka kɛ Segu dugu kɔnɔ. An bɛ foli la se Jean Marie Keita ma Zezana Gara la, o min y'an dɛmɛn ni mobili ye walasa boli boli bɛ se ka kɛ Segu ni Zezana Gara cɛ. An foli bɛ porozɛ "PRECAD" ni Zezana Gara komini ɲɛmɔgɔw ye, olu minnu kɛra sababu ye baara kɛ yɔrɔ ka sɔrɔ.

Alisa an bɛ foli la se an ka Parikaw ma, olu minnu nana fɔ Mali la yan ka na dɔnni di an ma. An bɛ Claire fo fɛn caman na, ani a kɛli ka kalan kɛ ɛntɛrinɛti kan k'a to fɔ¨Pari. Mɔgɔ o mɔgɔ n'o de ye an dɛmɛn ni minɛnw ye Pari Albertine ka cɛsiri kɔnɔ, an b'olu bɛ fo.

Mali Peresidan, n’o ye Amadu Tumani Ture ye, o ye zoni ɛndisirɛli kura jɔli baara kurunbokari alamisa don, Zuluyekalo tile 30 san 2009. Zone ɛndisirɛli in bɛna jɔ Jalakɔrɔbugu kilomɛtɛrɛ 10 ani Bamako faaba cɛ.

O sen fɛ, Peresidan Amadu tumani Ture y’a jira k’a fɔ ko a n’a ka gofɛrɛnama mɔgɔw bɛna u teliya walsa ka ɛndisirɛlikow don bala kosɛbɛ an ka jamana kɔnɔ.

Peresidan ko : « N hakilia la, an ka kan k’an seko bɛɛ kɛ walasa ka sira nɔgɔya magobatigiw ye jamana kɔnɔ ani jamana kɔkan ɛndisirɛliko yiriwali siratigɛ kan an ka jamana kɔnɔ ».

Zoni in, n’a fanga bɛ se fɔ izini 300 ma, o bɛna jɔ dugukolo tari 200 kan, ka tila ka an ka sisan tubabutile minɛn ɲumanw k’a kɔnɔ, ani ka ji saniyalenko ɲɛsigi, ka tila ka siran caman dila walasa k’a taali nɔgɔya.

Poroze in ka kan ka ban ka bɛn san 2012 ma, nafolo hakɛ min bɛ don a da fɛ Mali gofɛrɛnama n’a dɛmɛnbaw fɛ, o bɛ t’i jɔ fɔ sefa wari miliyari 10 na.

Minisiri min ɲɛsinnen bɛ an ka izinikow, yiriwaliko ani jagokow ma, o y’a jira ko : « An hakili b’a kan fana, k’a fɔ ko nin ka se ka baarayɔrɔ 20600 dayɛlɛ an ka jamana kɔnɔ.

Bamakɔ, zuluyzkalo tile 31 sans 2009.

Kunnafoni minɛna ka bɔ Pana yɔrɔ, Angilɛkan na.